Category: news

☘️ОНКҮНДІК ҚОРЫТЫНДЫСЫ☘️
Мектеп-лицейде дәстүрлі өтетін ӘБ онкүндіктерінің 2020-2021 оқу жылындағы әдістемелік жұмысын әсемдік пәндер және дене шынықтыру пәндері әдістемелік бірлестігінің мұғалімдері қорытындылады.
Мамыр айының 6-16 күндері «Тұғыры биік тәуелсіздік» тақырыбында өткен онкүндік өз мәресіне жетті. Мұғалімдер мен білім алушылар ашық сабақтар мен тәрбие сағаттарында, түрлі көрме жұмыстарында ақпараттық-сандық технологияны жақсы меңгергендерін көрсете алды. Өткізілген әрбір іс-шара бейнероликтер арқылы көпшілікке мерзімді жеткізіліп отырды. Шығармашыл мұғалімдер онкүндікті зор патриоттық сезіммен, әйгілі «Атамекен» әнін орындаумен аяқтады.

• 

• 

• 

☘️ «ЕЛБАСЫ МЕДАЛІ» еншімізде! ☘️
Бүгін Нұр-Сұлтан қаласының Білім басқармасы мен «Астана дарыны» дарындылықты дамыту және психологиялық сүйемелдеу орталығының ұйымдастыруымен өткен салтанатты марапаттау іс-шарасында Райымбек батыр атындағы #50 “Қазғарыш” мектеп-лицейінің 10 «А» сынып оқушысы, оқуда және қоғамдық өмірде өте белсенді жас өрен Досымбекова Айса Ғалымбекқызы «Елбасы медалі» белгісімен марапатталды!
Айса-азаматтық позициясы айқын, жауапкершілігі зор оқушы. Осы медаль оған оңайлықпен келмеді. Алты ай бойы 7 бағыт бойынша(спорт, таланттар мен дағдылар, кітап оқу, ұлттық мұра, волонтерлік, экспедициялар мен жорықтар, еңбек практикасы) табанды түрде тер төкті. Жобаның мақсатының өзі сол-қиындықтарды еңсеруге, түрлі салада өзін жүйелі түрде дамытуға, басқаларға қамқорлық жасауға, қойылған мақсаттар мен жоғары нәтижелерге қол жеткізуге қабілетті, үйлесімді дамыған тұлға қалыптастыру.
Тамаша жетістік құтты болсын, Айсажан! Алға қойған мақсаттарыңызға жету жолында үнемі биіктерден көріне беріңіз!!!

2021 жылғы 26 сәуірде «Астана дарыны » дарындылықты дамыту және психологиялық сүйемелдеу орталығы мен “ZERDELI” ақыл – ой дамыту мектебі бірлесе өткізген республикалық математикалық олимпиададан жүлдегер атанып, І дәрежелі дипломмен марапатталған мектебіміздің 6 «Ғ» сынып оқушысы Сейтбай Алдиярды және пән мұғалімі Бердікенова Майра Слямғазықызын шын жүректен құттықтаймыз!
«Математика-ғылымдар патшасы!» Білім патшалығында еркін құлаштай беріңіздер!!!

2021 жылдың 28-29 сәуір күндері «Астана дарыны» дарындылықты дамыту және психологиялық сүйемелдеу орталығы ұйымдастырған
«Дарынды балаларға – талантты ұстаз» қалалық педагогикалық олимпиадасына қатысқан Райымбек батыр атындағы 50 » Қазғарыш » мектеп- лицейінің 9-сынып оқушыларынан құралған командасы мен жетекшісі-ағылшын тілі мұғалімі Ешмаханова Айгерім Алдамжарқызы жүлделі 2-орынды иеленді.
Мектеп мақтаныштарын шын жүректен құттықтаймыз! Шығармашылық табыстар тілейміз!

Райымбек батыр атындағы #50 «Қазғарыш» мектеп-лицейінде МИФ пәндері әдістемелік бірлестігінің онкүндігі қорытындыланды.
✅ Онкүндік ғарыштың 60 жылдық мерейтойына арналды.
✅ Онкүндікке бірлестіктің барлық мұғалімдері белсене қатысты. Тәлімді тәжірибе алмасу алаңы орнатылды.
✅ Білім алушылардың белсенділігі онлайн оқудың оңтайлы қырларын көрсетті.
✅ Басқа пән мұғалімдерінің ашық сабақтарға қатысып, кері байланыстарын ұсынуы әріптестік көмек пен қолдау көрсетудің үлгісі болды.
✅ Математика пәнінің шебер ұстазы Асқарбекова Балымгүл Дайрашқызы қалалық «Онлайн-репетитор» жобасына қатысып, қала көлемінде мастер-класс өткізді.
✅ Цифрлық сауаттылықтың ілгерілеген деңгейі көрініс тапты.
✅ Озық тәжірибемен бөлісу мектептік деңгейде қалып қоймай, қалалық, Республикалық деңгейге құлаш ұрғаны қуанышты жаңалық болды.
✅ Нақты пәндерге қызығушылығы басым оқушылар қатары жаңа есімдермен толықты.
✅ Математика, информатика, физика пәндері арқылы ғарыштық білімге баулу мақсаты ұтымды жүзеге асырылды.
✅ Келесі онкүндіктің мақсат-міндеттері айқындалды.

• 

• 

• 

ҒАРЫШ-ҒАЖАП ӘЛЕМ! Ғарыш-құпиясы мол ғажап әлем, көптеген жұлдыздар мен ғаламшарлардың мекені, керемет кеңістік! Ежелден-ақ адамзат аспанда қалықтап ұшуды армандаған. Осы армандар негізінде ұшақ, тікұшақ, зымыран секілді әуекөліктері ойлап табылды. Осыдан дәл 60 жыл бұрын 12 сәуір күні адамзат алғаш рет ғарышқа қазақ жерінен аттанды! Ғарышқа тұңғыш саяхат жасаған Юрий Гагарин болса, қазақтан шыққан тұңғыш ғарышкеріміз Тоқтар Әубәкіров болды. Ғарыш сапарын жалғастырған Талғат Мұсабаев, Айдын Айымбетов сияқты батыр ағаларының жолын қууды ниет еткен «Қазғарыш» мектеп-лицейі оқушыларының ғарышқа қызығушылықтары қандай? Мектебімізде «Ғарыш» атты тылсым дүние, ғажап әлемге деген қызығушылықты қалыптастыруда біршама жұмыстар жүзеге асуда. Бірнеше түлек авиация мамандығын алып, бүгінде еңбекке араласа бастады. Тек өткен оқу жылының өзінде ғана оқушымыз Әбдікерім Арыстанбап ғарыш тақырыбындағы ғылыми жұмысын Бразилияда өткен xалықаралық ғылыми жобалар сайысында алтын медальға қорғап, соңынан Мәскеу авиациялық институтының грантын ұтып алды. Бүгінде аталған оқу орнының үздік студенті. Биылғы оқу жылында ғарыш тақырыбын зерттеп жүрген оқушыларымыз аз емес. «Зымыран тасығыштарды қоршаған ортаға, зиянсыз ғарыш кеңістігіне шығару тәсілдерін зерттеу» тақырыбын Сабырбаев Темірлан, «Шағын ғарыштық аппараттарды жобалау» тақырыбын Құралова Айым, «The Greeny құрылғысы көмегімен қоршаған ортаны жақсарту»тақырыбын Сражадин Мади қалалық ғылыми жобалар сайысында қорғап, Республикалық ғылыми жобалар сайысында жүлделі орындар иеленді. Мектеп-лицейдің бастауыш сынып мұғалімдері қалалық ғылыми кеңесте қорғаған «Ғарыш негіздері» бағдарламасы бойынша оқушылар ғарыш негіздерін меңгеруді бастауыштан бастайды. Орта буынға келгенде радиоспорт және радиобайланыс, ракетамодельдеу, робот техникасы, STEМ үйірмелері арқылы ғарыш әлеміне қызығушылықтары арта түседі. Ғарыш әлеміне қызығушылық танытатын оқушылар одан әрі ғылыми жұмыстар жазып, зерттеумен айналысуды жалғастырады. Радиобайланыс үйірмесінде Морзе әліппесін меңгеріп, радиоспортпен шұғылданып жүрген оқушылар республикалық чемпионаттарға белсене қатысып келеді.
Әлемге танымал “Байқоңыр” ғарыш айлағына оқушыларымыздың жыл сайын саяхаттауы дәстүрге айналған. Ғарыш айлағының елімізде орналасуы біз үшін үлкен мәртебе! Ғарышкер батыр ағаларымызды мақтан етеміз және үлгі аламыз!!!

Қайырлы күн, құрметті ата-аналар! Бүгіннен бастап ҚР Білім және ғылым министрлігінің 2017 жылғы 27 шілдедегі #355 бұйрығымен бекітілген «Білім беру ұйымдарында қамқоршылық кеңестің жұмысын ұйымдастыру және оны сайлау тәртібінің үлгілік қағидалары» негізінде мектебіміздің қамқоршылық кеңесінің құрамын қалыптастыруымыз керек екенін хабарлаймыз‼️ ҚАМҚОРШЫЛЫҚ КЕҢЕСТІҢ ӨКІЛЕТТІГІ ✅Білім беру ұйымының қамқоршылық кеңесі: 1) білім алушылардың құқықтарының сақталуына, білім беру ұйымының шотына түсетін қайырымдылық көмектің жұмсалуына қоғамдық бақылауды жүзеге асырады; 2) білім беру ұйымының жарғысына өзгерістер немесе толықтырулар енгізу туралы ұсыныстар әзірлейді; 3) білім беру ұйымын дамытудың басым бағыттары бойынша ұсынымдарды әзірлейді; 4) қазақстандық азаматтардың отбасына жетім және ата-аналарының қамқорлығынсыз қалған балаларды орналастыру мәселелері жөнінде жетілдіру ұсыныстарын әзірлейді; 5) қайырымдылық көмек түрінде білім беру ұйымына түскен қаржыны бөлуге қатысады және оның мақсатты жұмсалуы туралы шешім қабылдайды; 6) білім беру ұйымының бюджетін қалыптастыру барысында ұсыныстарды әзірлейді; 7) тиісті саланың уәкілетті органына немесе білім саласындағы жергілікті атқарушы органына Қамқоршылық кеңестің білім беру ұйымының жұмысында анықтаған кемшіліктерді жою туралы ұсыныстар енгізеді; 8) орта білім беру ұйымы басшысының лауазымына үміткерлермен әңгімелесу қорытындысы бойынша хаттамалық шешім шығарады және келіседі; 9) білім беру ұйымы басшысының білім беру ұйымының қызметі туралы есебін тыңдайды; 10) білім беру ұйымы қызметінің мәселелері бойынша конференцияларға, кеңестерге, семинарларға қатысады; 11) білім беру ұйымының қызметімен, білім алушыларға жасалған жағдайлармен танысады, білім беру ұйымының психологын қатыстыра отырып, олармен әңгімелеседі. ✅Қамқоршылық кеңес мүшелерінің өз өкілеттігін орындауы өтеусіз негізде жүзеге асырылады. ✅Қағидаға сәйкес қамқоршылық кеңестің құрамына мыналар кіреді: 1) жергілікті өкілдік, атқарушы және құқық қорғау органдарының өкілдері; 2) жұмыс берушілер мен әлеуметтік әріптестердің өкілдері; 3) коммерциялық емес ұйымдардың өкілдері(бар болса) 4) ата-аналар комитеті ұсынған әрбір параллель сыныптан бір ата-ана немесе заңды өкіл 5) қайырымдылық жасаушылар ✅Ұсыныстарды қабылдау хабарландыру жарияланған күннен кейін он жұмыс күні ішінде жүзеге асырылады. ✅Қамқоршылық кеңестің құрамы кеңеске мүше болуға үміткерлердің жазбаша келісімімен алынған ұсыныстардың негізінде қалыптастырылады және тиісті саланың уәкілетті органы немесе білім беру саласындағы жергілікті атқарушы орган ұсыныстарды қабылдау аяқталғаннан кейін үш жұмыс күні ішінде бекітеді.     

Райымбек батыр атындағы № 50 «Қазғарыш» мектеп-лицейінің қамқоршылық кеңесі жұмысының жылдық есебі

---

Райымбек батыр атындағы № 50 «Қазғарыш» мектеп-лицейінің қамқоршылық кеңесі жұмысының жылдық есебі

15. 05. 2019ж

Мерекелік көңіл – күй қалыптастыру, бірлік пен достықты нығайту, әлеуметтік байланыстар орнату және дамыту мақсатында қамқоршылар кеңесі біршама жұмыстар атқарды.  Атап айтсақ, 2019 жылдың 10 қаңтар мен 10 ақпан аралығында мектебімізде жалпыреспубликалық қайырымдылық «Қамқорлық» акциясын ұйымдастырды. Бұл акцияны  ұйымдастыру мен өткізуі бойынша мектеп әкімшілігімен бірлесе отырып,  іс-шаралар жоспары құрылды. Сынып жетекшілер «Қамқорлық» қайырымдылық  акциясының өту барысы туралы ата-аналарға жеткізді. Бұл қайырымдылық акциясына мектебіміздің ата-аналары, мектеп әкімшілігі мен сынып жетекшілері де белсендік танытты. Акция аясында ата-аналар тарапынан демеушілік танытып,  аз қамтылған отбасылардан  шыққан  жанұяларға киіммен, оқу құралдарымен көмек көрсетті. Көмек көрсеткен ата-аналар:

5 а сынып ата-анасы  К.С.Байтасов (сын.жет. Какежанова К.)

5 ә сынып ата-анасы  Мақсұт Айнагүл (сын.жет. Есілбаева Ұ.)

8 в сынып ата-анасы  Б.Асқарбекова (сын.жет. Ермағанбетова А.)

1 г сынып ата-анасы   Г. Темешбекова киіммен (сын.жет. Ержанова А.)

6 д сынып ата-аналары   (сын.жет. Қ.Дүйсенова)

6 е сынып ата-аналары    (сын.жет. С.Асқарова.)

1д  сынып ата-аналары    (сын.жет. Г. Қабдуалиева)

9 ә сынып ата-аналары    (сын.жет. Т.Тәпиева)

3 д сынып ата-аналары  (сын.жет. А. Бейсеитова )

          2 а сынып ата-аналары   (сын.жет. Н. Төлеубекова)

4 е  сынып ата-аналары   (сын.жет. З. Қангельдиева)

1 ғ сынып ата-аналары   (сын.жет. З. Қангельдиева)

3 г сынып ата-аналары   (сын.жет. Р. Мұқанова )

           6 г сынып ата-аналары (сын.жет. А. Аяғанова )

Сонымен қатар  жекелей де көмек көрсеткен ата-аналарда болды.

9 а сынып ата-анасы А.Базарбаев

8 в сынып ата-анасы С.Бегимов

1а және 2 а сынып ата-анасы  Г. Сұлтансаитова

8 а сынып ата-анасы А.Смагулова

5 ә сынып ата-анасы Мақсұт Айнагүл

1 в сынып ата-анасы  А.Бекежанова

2 а және 3 г  сынып ата-анасы  А. Мұханбетжанова

6а мен 9в сыныптар ата-анасы А. Калимуллина

6 д сынып ата-анасы Г. Махамбетова

 «Қамқорлық» акциясына мектебіміздің ата – аналары, оқушылары, ұстаздары қалыс қалмай бір кісідей қатысты. Акцияға белсенді  қатысқан  ата-аналар мен жекелей көмек көрсеткен  ата-аналарға 1 Наурыз – Алғыс айту күніне байланысты өткен «Менің  анам – алтын!» атты мерекелік кешіне арнайы шақырылып, алғыс жарияланды.

    2019 жылдың 9 сәуір мен 16 сәуір аралығында Ұлттық Дельфийлік ойын бағдарламасы бойынша «Шаттық» қалалық байқауы өткізілді. Байқауға 12 номинация бойынша 75 оқушы қатысты. Байқау қорытындысы бойынша оқушыларымыз 1 алтын медаль, 2 күміс, 3 қола медаль, 3 дипломмен марапатталып, мектеп үлкен жетістіктерге жетті.

Мектебімізде 2019 жылғы 12 сәуір күні халықаралық космонавтика күніне арналған іс-шара өткізілді. Оқушылар  жасаған ғарыш кемесін  ұшырып, Ресейлік мектеппен бірлесе «Гагариндік старт» акциясына үн қосты. «Самғау – Серпін» кластері мектептері №4, 56, 74, 50 мектептің оқушылары «Ғарыш – келешектің кемел жолы» тақырыбындағы ғылыми-практикалық конференциясына қатысты. Төрт мектептен 11 оқушы ғарыш бағытындағы ғылыми жобаларын қорғады.

         6 ә Кадет сыныбының оқушылары Ұлы Жеңістің 74 жылдығына орай 2019 жылғы 19 сәуірінде «Ұлы Жеңіс жолында!» тақырыбынды Ұлы Отан соғысының ардагерлерімен  кездесу кешін өткізді.

         Елбасы Н.Ә. Назарбаевтың бастамасымен 2007 жылғы 31 мамырда саяси қуғын-сүргін және тоталитаризм құрбандарының «АЛЖИР» мемориалды-мұражай кешеніне білім ордамыздағы 8- сынып оқушыларынан 130 бала барып,  рухани азық алып қайтты. Ал 23 сәуірінде негізгі мектеп бітірушілеріне байланысты 9-сынып оқушылары мен ата-аналары арасында мамандық таңдауға байланысты «Менің  мамандығым» тақырыбында түрлі маман иелерімен кездесу кешін ұйымдастырды.

         2019 жылдың 20-21 сәуірінде «Республикалық жоғары жылдамдық радиотелеграфия – 2019» чемпионаты  өтті. Республикалық чемпионатқа Солтүстік Қазақстан мен  Қарағанды облыстарынан,  Астана мен Алматы қаласынан оқушылар қатысып, Қазғарыш оқушылары жүлделі орындарды иеленді.

Оқушыларға қазақ халқының салт – дәстүрін, тілін, дінін, әдет – ғұрпын сақтауға, қастерлеуге тәрбиелеу және ата – ана, оқушы, ұстаз, жұртшылық өкілдерін ынтымақтастандыру мақсатында білім ордамыздың белсенді барлық 1- сыныптың ата-аналары мен оқушылары жыл сайын дәстүрлі түрде наурыз мерекесіне байланысты іс-шара өткізді. 1- сынып ата-аналары  мол дастарқанын жайып, ақ жарқын көңілмен жүздесіп, дәм татысып, өнерлерін ортаға салып және барша адам баласына жақсылық, аманшылық тілеп, ата-әжелер балаларына ақ тілек-баталарын жаудыртып, әр сыныптың ата-аналары балаларымен өнер көрсетті.

Қамқоршылық кеңесі мектептің білім беру, әлеуметтік-мәдени, сауықтыру, дамыту бағыттарындағы іс-шараларына көмектесіп, өз үлестерін қосып отыр. Сөзімнің соңында, елімізде оның ішінде білім саласында болып жатқан оң өзгерістерге белсенді қарап, өз ұл-қыздарымыз оқитын білім ордасына қол ұшын беру, ұстаздарға қолдау көрсету – ата-аналық парызымыз деп есептеймін. Біздің ұстаздарымыз жаңа стандарт талаптарына және бағдарламаларға сай жалпы оқу-тәрбие іс-әрекеттерін дұрыс ұйымдастыру арқылы және ата-аналармен байланыс жасай келе балаға тәрбие мен білім беруге өз күш жігерлерін аямай жұмсап жұмыс жасауда. Осы бағыттағы тәлім-тәрбие сабақтаса,  ұштаса жүргізілгенде ғана көзделген мақсат нәтижелі болары сөзсіз. Сондықтан да Елорда мектептерінің арасында шоқтығы биік білім ұямыз «Қазғарыштың» абыройын арттыруға үлес қоса беруге баршаңызды шақырамын!

               Қамқоршылар кеңесінің төрайымы     Шанабаева Бақытхан Қасенқызы